KUBURANING RASA

saktemene kahanan nala kang nandang kuciwa
wis tak kubur jero ana ngara-ara amba
bebarengan karo rasa tresna kang ana sak jroning dada
nanging.....
ngapa gampanging ngudal rasa kang kapendem
lir kadya gampanging ngublak-ublak wedang kopi
ana gelas sing saiki tak sangga....
ringkihing ati kang biyen jejeg ngadeg
kaya watu karang
namung rebah rumentah ndepani bumi
amarga wewayangan kang seklebat liwat

ilanging kahanan ati kang tanpa rasa tresna
nyadong jampi kang bisa
agawe santosaning jiwa
snadyan namung setitik
....