Wanita Mulya

wilanganing pangucap den kidung sinampurna

sambung sinambung ukara kalawan ukara

maujud rasa kang aran tresna
getering rasa tan kinira
kurang ing bebasan tan kagambarake dening pangrasa

panjenengan kang aran wanita mulya
sampurna cinipta elok ing kaendahan dunya
tan ginawe solah bawa culika
hamranani ing netra satemah agawe rena

panjenengan widadarine para putra 
jiwa-jiwa ayem tan nggigimangsa
cumadong mring panandang lan narima
teteg teguhing rasa tan ginawe dukita

panjenengan rajah pusakane dunya
sabda pawedar agawe teteging jiwa
jiwa putra-putra kang remuk dening kahanan dunya
pamuji pangestu cinadong asta

sih panjenengan ing teguh tan katilep mangsa